إسكندرانى
مرحباً بك معنا فى بيتك الثانى

إسكندرانى


 
الرئيسيةالرئيسية  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 حوار عام 2080

اذهب الى الأسفل 
كاتب الموضوعرسالة
dody
اسكندرانى جديد
اسكندرانى جديد
avatar


مُساهمةموضوع: حوار عام 2080   الخميس يناير 21, 2010 7:15 am

الحفيدة : جدو تامر إزيك .. حلو البدي اللي انت لابسه ده . بس ده

موضة قديمة قوي يا جدو

الجد : يا بنتي أنا راجل دقة قديمة وبالبس زي ما جيلنا اتعود وحسب

التقاليد القديمة بتاعتنا

الحفيدة : أيوه بس مش حاسس إنك مخنوق وانت لابسه؟

الجد : أبداً ده هو ده اللبس المحتشم اللي مفروض الكل يلبسه

ويحافظ عليه .. فين أيام زمان لما كنا نلبس البدي اللي مبين البطن

والظهربس، مع البنطلون السترتش الجلد والجوانتي الجلد... كانت حاجة

آخر روشنة

الحفيدة : ياه يا جدو .. ده انتوا كان ليكم تقاليد غريبة خالص

الجد : وهو انتي فاكرة إن أيامكم دي أيام؟ يا بنتي أيامكو دي ما

يعلم بيها إلا ربنا .. فين أيام سنة 2002م ، هو الواحد فينا كان

يستجري يشرب سيجارة البانجو ولا يسحب له سطر بودرة قدام أبوه؟ طب ده

الدنيا كانت تتقلب ساعتها وما تتعدلش .. أمال إيه .. كان فيه حاجة

اسمها أخلاق

الحفيدة : معقول يا جدو؟ للدرجة دي؟؟


الجد : أمال انتي فاكرة إيه .. وبعدين كانت الست من دول ما تلبسش

اللبس الخليع بتاع اليومين دول .. يعني الجيبة كان لا يقل طولها عن

شبر ونص .. وكانوا الستات يلبسوا فوقيها بلوزة باستمرار ..مش زي دلوقتي


الحفيدة : يا خبر .. وإيه كمان ياجدو

الجد: ح أقول لك إيه ولا إيه .. يعني خدي عندك مثلاً .. زمان كنا

نسمع الطرب الأصيل لمطربين حقيقيين زي مصطفى قمر ، وعمرو دياب ،

وكانت الأغنية مدتها أكثر من دقيقتين متواصلين من الطرب الأصيل

والسريعة الروشة اللي تعمر النافوخ بصحيح كانوا مطربين روشين طحن

وكله كوم والست كوم تاني

الحفيدة: ومين الست دي يا جدو

الجد: في حد مايعرفش الست...نانسي عجرم طبعا

الحفيدة : وبعدين

الجد : وبعدين كنا نسمع على حاجة اسمها اسطوانات ليزر ، ودي صحيح

انقرضت ، بس

كان ليها طعم عن دلوقتي ، يا سلام لما كنا نحطها في الووكمان ونعلقه

في حزام البنطلون ونمشي في الشارع كده ،، كانت أيام جميلة

الحفيدة : حكاويك ممتعة قوي يا جدو .. ثانية واحدة بس لما أصحي

سوسو صاحبي

لأنه بايت معايا في الأودة من امبارح ..

)بعد عدة دقائق) هيه يا جدو .. وبعدين

الجد : أحلى أيام بقى كانت أيام الدراسة ، الفصل كان على أيامنا

رايق وعدد التلاميذ فيه ما يزيدش عن ستين سبعين تلميذ ، وكنا ساعتها

بنعرف نفهم الدرس كويس مش زي دلوقتي ، وكانت الشوارع أيامها فاضية

لأن مصر كلها كان تعدادها 70 مليون مش أكثر ، تخيلي بقى الروقان

اللي كنا فيه؟

الحفيدة : 70 مليون بس؟

الجد : أمال إيه .. علشان كده كانت كل حاجة رخيصة ، يعني مثلاً

كيلو اللحمة يوم ما يضربه الدم كان يبقى بخمسة وثلاتين جنيه أو بخمسة

واربعين جنيه ، وكان أتخن جوز جزمة بمتين وخمسين جنيه ، وكان الواحد

يقدر يشتري شقة تمليك بـ 350 الف جنيه بس .. وكان الدولار بستة جنيه

بس تخيلي بقى؟

الحفيدة : ما هو علشان كده كان الجواز على أيامكم كان سهل خالص

الجد : أمال .. ده احنا الواحد مننا كان بمجرد ما يوصل سن 35 سنة

يبتدي يفكر في الجواز على طول ، وما كانش عندنا الأفكار الغريبة

اللي بتعملوها دلوقتي زي إن البنت تعد مع الولد كام سنه قبل الجواز

علشان يتعرفوا على بعض أكثر زيك انتي وسوسو صاحبك ، أنا شخصياً شايف

إن ده وضع مش لطيف ، ده احنا يا بنتي على أيامنا كان لا يمكن البنت

تتأخر بره البيت عن الساعة أربعة صباحاً ، طب ده باباها كان ممكن

ساعتها يخاصمها



الحفيدة : ده انتوا كنتوا متزمتين خالص ياجدو!!

الجد : يا بنتي إحنا اتربينا على الأخلاق والفضيلة والعادات

والتقاليد .. يعني كان الواحد مننا زمان لما يدخل الأسانسير ويلاقي

جاره في الأسانسير ممكن يفكر يصبح عليه ، ومش بعيد كان يسأله عن

أحواله ... وكانوا أهل الفن محتشمين جداً وكانوا دايماً يطلعوا

بالمايوهات البيكيني ، والمذيعات كانوا يقعدوا جنب الضيف مش على

ركبته زي دلوقتي... هيـ يـ يـ يـ ـه الله يرحم دي أيام


الحفيدة : رايح فين يا جدو

الجد : أصلي كنت موصي الجزار على اتنين كيلو لحمة وأعطيته ثلاثة


آلاف جنيه عربون وعايز أروح أطمن إذا كانت اللحمة وصلت ولا لأ ..

تشاو .. سي يو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moonshadow
Super Administrator
Super Administrator
avatar


مُساهمةموضوع: رد: حوار عام 2080   الأحد يناير 24, 2010 5:14 pm

هههههههههههههههههههههههههههههههههههه
بس هو فيها حاجات بعيد عن الواقع بتاعنا بس حلوه
ويامين يعيش للييوم ده

_________________
ازاى ضاقت بيك الدنيا فلا تقل يارب عندى هم كبير ولاكن قل يا هم لى رب كبير










الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bosylove
اسكندرانى جديد
اسكندرانى جديد



مُساهمةموضوع: رد: حوار عام 2080   الإثنين يناير 25, 2010 8:47 am

ههههههههههههههههه حلوة اوى وخصوصا لما قلت زمان المزيعه كانت بتقعد جنب الضيف ودلوقتىالمزيعه بتقعد على رجله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dody
اسكندرانى جديد
اسكندرانى جديد
avatar


مُساهمةموضوع: رد: حوار عام 2080   الجمعة يناير 29, 2010 11:49 am

شكرا على ردودكم الجميلة دى
وsorrrrrrrrry على التاخير كان بسبب الامتحانات
ادعولى بقى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سماء
اسكندرانى جديد
اسكندرانى جديد



مُساهمةموضوع: رد: حوار عام 2080   الجمعة يناير 29, 2010 6:33 pm

جميل اوى الحوار ده وربنا يوفقك وينجحك
وعلى فكرة يا امنية قولى يا رب مانعيش لليوم ده ولا نشوفه
ربنا يرحمنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moonshadow
Super Administrator
Super Administrator
avatar


مُساهمةموضوع: رد: حوار عام 2080   السبت يناير 30, 2010 12:14 pm

صح يا سما ربنا يحمينا

_________________
ازاى ضاقت بيك الدنيا فلا تقل يارب عندى هم كبير ولاكن قل يا هم لى رب كبير










الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حوار عام 2080
الرجوع الى أعلى الصفحة 
صفحة 1 من اصل 1
 مواضيع مماثلة
-
» شوفو شكل القوقل عام2080

صلاحيات هذا المنتدى:لاتستطيع الرد على المواضيع في هذا المنتدى
إسكندرانى :: المنتدى الترفيهي :: اضحك شوية-
انتقل الى: